Канон Ангелу Хранителю

А́нгеле Бо́жий, храни́телю мо́й святы́й, живо́т мо́й соблюди́ во стра́се Христа́ Бо́га, у́м мо́й утверди́ во и́стиннем пути́, и к любви́ го́рней уязви́ ду́шу мою́, да тобо́ю направля́ем, получу́ от Христа́ Бо́га ве́лию ми́лость.

Сла́ва Отцу, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь.

Богоро́дичен:

Свята́я Влады́чице, Христа́ Бо́га на́шего Ма́ти, я́ко все́х Творца́ недоуме́нно ро́ждшая, моли́ бла́гость Его́ всегда́, со храни́телем мои́м А́нгелом, спасти́ ду́шу мою́, страстьми́ одержи́мую, и оставле́ние грехо́в дарова́ти ми́.

Кано́н, гла́с 8‑й

Пе́снь 1

Ирмос: Пои́м Го́сподеви, прове́дшему лю́ди Своя́ сквозе́ Чермно́е мо́ре, я́ко еди́н сла́вно просла́вися.

Иису́су: Го́споди Иису́се Христе́ Бо́же мо́й, поми́луй мя́.

Пе́снь воспе́ти и восхвали́ти, Спа́се, Твоего́ раба́ досто́йно сподо́би, безпло́тному А́нгелу, наста́внику и храни́телю моему́.

Припе́в: Святы́й А́нгеле Бо́жий, храни́телю мо́й, моли́ Бо́га о мне́.

Еди́н а́з в неразу́мии и в ле́ности ны́не лежу́, наста́вниче мо́й и храни́телю, не оста́ви мене́, погиба́юща.

Сла́ва Отцу, и Сы́ну, и Свято́му Ду́ху. У́м мо́й твое́ю моли́твою напра́ви, твори́ти ми́ Бо́жия повеле́ния, да получу́ от Бо́га отда́ние грехо́в, и ненави́дети ми́ злы́х наста́ви мя́, молю́ся ти́.

И ны́не, и при́сно, и во ве́ки веко́в, ами́нь. Моли́ся, Деви́це, о мне́, рабе́ Твое́м, ко Благода́телю, со храни́телем мои́м А́нгелом, и наста́ви мя́ твори́ти за́поведи Сы́на Твоего́ и Творца́ моего́.

Пе́снь 3

Ирмос: Ты́ еси́ утвержде́ние притека́ющих к Тебе́, Го́споди, Ты́ еси́ све́т омраче́нных, и пое́т Тя́ ду́х мо́й.

Святы́й А́нгеле Бо́жий, храни́телю мо́й, моли́ Бо́га о мне́.

Все́ помышле́ние мое́ и ду́шу мою́ к тебе́ возложи́х, храни́телю мо́й; ты́ от вся́кия мя́ напа́сти вра́жия изба́ви.

Святы́й А́нгеле Бо́жий, храни́телю мо́й, моли́ Бо́га о мне́.

Вра́г попира́ет мя́, и озлобля́ет, и поуча́ет всегда́ твори́ти своя́ хоте́ния; но ты́, наста́вниче мо́й, не оста́ви мене́ погиба́юща.

Сла́ва Отцу, и Сы́ну, и Свято́му Ду́ху. Пе́ти пе́снь со благодаре́нием и усе́рдием Творцу́ и Бо́гу да́ждь ми́, и тебе́, благо́му А́нгелу храни́телю моему́: изба́вителю мо́й, изми́ мя́ от вра́г озлобля́ющих мя́.

И ны́не, и при́сно, и во ве́ки веко́в, ами́нь. Исцели́, Пречи́стая, моя́ многонеду́жныя стру́пы, я́же в души́, прожени́ враги́, и́же при́сно бо́рются со мно́ю.

Седа́лен, гла́с 2‑й

От любве́ душе́вныя вопию́ ти́, храни́телю моея́ души́, всесвяты́й мо́й А́нгеле: покры́й мя́ и соблюди́ от лука́ваго ловле́ния всегда́, и к жи́зни наста́ви небе́сней, вразумля́я и просвеща́я и укрепля́я мя́.

Сла́ва Отцу, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь.

Богоро́дичен

Богоро́дице безневе́стная Пречи́стая, Я́же без се́мени ро́ждши все́х Влады́ку, Того́ со А́нгелом храни́телем мои́м моли́, изба́вити ми́ ся́ вся́каго недоуме́ния, и да́ти умиле́ние и све́т души́ мое́й и согреше́нием очище́ние, Я́же еди́на вско́ре заступа́ющи.

Пе́снь 4

Ирмос: Услы́шах, Го́споди, смотре́ния Твоего́ та́инство, разуме́х дела́ Твоя́, и просла́вих Твое́ Божество́.

Святы́й А́нгеле Бо́жий, храни́телю мо́й, моли́ Бо́га о мне́.

Моли́ Человеколю́бца Бо́га ты́, храни́телю мо́й, и не оста́ви мене́, но при́сно в ми́ре житие́ мое́ соблюди́ и пода́ждь ми́ спасе́ние необори́мое.

Святы́й А́нгеле Бо́жий, храни́телю мо́й, моли́ Бо́га о мне́.

Я́ко засту́пника и храни́теля животу́ моему́ прие́м тя́ от Бо́га, А́нгеле, молю́ тя́, святы́й, от вся́ких мя́ бе́д свободи́.

Сла́ва Отцу, и Сы́ну, и Свято́му Ду́ху. Мою́ скве́рность твое́ю святы́нею очи́сти, храни́телю мо́й, и от ча́сти шу́ия да отлуче́н бу́ду моли́твами твои́ми и прича́стник сла́вы явлю́ся.

И ны́не, и при́сно, и во ве́ки веко́в, ами́нь. Недоуме́ние предлежи́т ми́ от обыше́дших мя́ зо́л, Пречи́стая, но изба́ви мя́ от ни́х ско́ро: к Тебе́ бо еди́ней прибего́х.

Пе́снь 5

Ирмос: У́тренююще вопие́м Ти́: Го́споди, спаси́ ны́; Ты́ бо еси́ Бо́г на́ш, ра́зве Тебе́ ино́го не ве́мы.

Святы́й А́нгеле Бо́жий, храни́телю мо́й, моли́ Бо́га о мне́.

Я́ко име́я дерзнове́ние к Бо́гу, храни́телю мо́й святы́й, Сего́ умоли́ от оскорбля́ющих мя́ зо́л изба́вити.

Святы́й А́нгеле Бо́жий, храни́телю мо́й, моли́ Бо́га о мне́.

Све́те све́тлый, све́тло просвети́ ду́шу мою́, наста́вниче мо́й и храни́телю, от Бо́га да́нный ми́ А́нгеле.

Сла́ва Отцу, и Сы́ну, и Свято́му Ду́ху. Спя́ща мя́ зле́ тягото́ю грехо́вною, я́ко бдя́ща сохрани́, А́нгеле Бо́жий, и возста́ви мя́ на славосло́вие моле́нием твои́м.

И ны́не, и при́сно, и во ве́ки веко́в, ами́нь. Мари́е, Госпоже́ Богоро́дице безневе́стная, наде́ждо ве́рных, вра́жия возноше́ния низложи́, пою́щия же Тя́ возвесели́.

Пе́снь 6

Ирмос: Ри́зу ми́ пода́ждь све́тлу, одея́йся све́том я́ко ри́зою, многоми́лостиве Христе́ Бо́же на́ш.

Святы́й А́нгеле Бо́жий, храни́телю мо́й, моли́ Бо́га о мне́.

Вся́ких мя́ напа́стей свободи́, и от печа́лей спаси́, молю́ся ти́, святы́й А́нгеле, да́нный ми́ от Бо́га, храни́телю мо́й до́брый.

Святы́й А́нгеле Бо́жий, храни́телю мо́й, моли́ Бо́га о мне́.

Освети́ у́м мо́й, бла́же, и просвети́ мя́, молю́ся ти́, святы́й А́нгеле, и мы́слити ми́ поле́зная всегда́ наста́ви мя́.

Сла́ва Отцу, и Сы́ну, и Свято́му Ду́ху. Уста́ви се́рдце мое́ от настоя́щаго мяте́жа, и бде́ти укрепи́ мя́ во благи́х, храни́телю мо́й, и наста́ви мя́ чу́дно к тишине́ живо́тней.

И ны́не, и при́сно, и во ве́ки веко́в, ами́нь. Сло́во Бо́жие в Тя́ всели́ся, Богоро́дице, и челове́ком Тя́ показа́ небе́сную ле́ствицу; Тобо́ю бо к на́м Вы́шний соше́л е́сть.

Конда́к, глас 4

Яви́ся мне́ милосе́рд, святы́й А́нгеле Госпо́день, храни́телю мо́й, и не отлуча́йся от мене́, скве́рнаго, но просвети́ мя́ све́том неприкоснове́нным и сотвори́ мя́ досто́йна Ца́рствия Небе́снаго.

И́кос

Уничиже́нную ду́шу мою́ мно́гими собла́зны, ты́, святы́й предста́телю, неизрече́нныя сла́вы небе́сныя сподо́би, и певе́ц с ли́ки безпло́тных си́л Бо́жиих, поми́луй мя́ и сохрани́, и по́мыслы до́брыми ду́шу мою́ просвети́, да твое́ю сла́вою, А́нгеле мо́й, обогащу́ся, и низложи́ зломы́слящия мне́ враги́, и сотвори́ мя́ досто́йна Ца́рствия Небе́снаго.

Пе́снь 7

Ирмос: От Иуде́и доше́дше о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

Святы́й А́нгеле Бо́жий, храни́телю мо́й, моли́ Бо́га о мне́.

Ми́лостив бу́ди ми́, и умоли́ Бо́га, Госпо́день А́нгеле, име́ю бо тя́ засту́пника во все́м животе́ мое́м, наста́вника же и храни́теля, от Бо́га дарова́ннаго ми́ во ве́ки.

Святы́й А́нгеле Бо́жий, храни́телю мо́й, моли́ Бо́га о мне́.

Не оста́ви в пу́ть ше́ствующия души́ моея́ окая́нныя уби́ти разбо́йником, святы́й А́нгеле, я́же ти́ от Бо́га предана́ бы́сть непоро́чне; но наста́ви ю́ на пу́ть покая́ния.

Сла́ва Отцу, и Сы́ну, и Свято́му Ду́ху. Всю́ посра́млену ду́шу мою́ привожду́ от лука́вых ми́ по́мысл и де́л: но предвари́, наста́вниче мо́й, и исцеле́ние ми́ пода́ждь благи́х по́мысл, уклоня́ти ми́ ся́ всегда́ на пра́выя стези́.

И ны́не, и при́сно, и во ве́ки веко́в, ами́нь. Прему́дрости испо́лни все́х и кре́пости Боже́ственныя, Ипоста́сная Прему́дросте Вы́шняго, Богоро́дицы ра́ди, ве́рою вопию́щих: оте́ц на́ших Бо́же, благослове́н еси́.

Пе́снь 8

Ирмос: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки.

Святы́й А́нгеле Бо́жий, храни́телю мо́й, моли́ Бо́га о мне́.

От Бо́га по́сланный, утверди́ живо́т мо́й, раба́ твоего́, преблаги́й А́нгеле, и не оста́ви мене́ во ве́ки.

Святы́й А́нгеле Бо́жий, храни́телю мо́й, моли́ Бо́га о мне́.

А́нгела тя́ су́ща бла́га, души́ моея́ наста́вника и храни́теля, преблаже́нне, воспева́ю во ве́ки.

Сла́ва Отцу, и Сы́ну, и Свято́му Ду́ху. Бу́ди ми́ покро́в и забра́ло в де́нь испыта́ния все́х челове́к, во́ньже огне́м искуша́ются дела́ блага́я же и зла́я.

И ны́не, и при́сно, и во ве́ки веко́в, ами́нь. Бу́ди ми́ помо́щница и тишина́, Богоро́дице Присноде́во, рабу́ Твоему́, и не оста́ви мене́ лише́на бы́ти Твоего́ влады́чества.

Пе́снь 9

Ирмос: Вои́стинну Богоро́дицу Тя́ испове́дуем, спасе́ннии Тобо́ю, Де́во чи́стая, с безпло́тными ли́ки Тя́ велича́юще.

Иису́су: Го́споди Иису́се Христе́ Бо́же мо́й, поми́луй мя́.

Поми́луй мя́, еди́не Спа́се мо́й, я́ко ми́лостив еси́ и милосе́рд, и пра́ведных лико́в сотвори́ мя́ прича́стника.

Святы́й А́нгеле Бо́жий, храни́телю мо́й, моли́ Бо́га о мне́.

Мы́слити ми́ при́сно и твори́ти, Госпо́день А́нгеле, блага́я и поле́зная да́руй, я́ко си́льна яви́ в не́мощи и непоро́чна.

Сла́ва Отцу, и Сы́ну, и Свято́му Ду́ху. Я́ко име́я дерзнове́ние к Царю́ Небе́сному, Того́ моли́, с про́чими безпло́тными, поми́ловати мя́, окая́ннаго.

И ны́не, и при́сно, и во ве́ки веко́в, ами́нь. Мно́го дерзнове́ние иму́щи, Де́во, к Вопло́щшемуся из Тебе́, преложи́ мя́ от у́з и разреше́ние ми́ пода́ждь и спасе́ние, моли́твами Твои́ми.

Моли́тва к А́нгелу-Xранителю

А́нгеле Христо́в святы́й, к тебе́ припа́дая молю́ся, храни́телю мо́й святы́й, прида́нный мне́ на соблюде́ние души́ и те́лу моему́ гре́шному от свята́го креще́ния, а́з же свое́ю ле́ностию и свои́м злы́м обы́чаем прогне́вах твою́ пречи́стую све́тлость и отгна́х тя́ от себе́ все́ми сту́дными де́лы: лжа́ми, клевета́ми, за́вистию, осужде́нием, презо́рством, непоко́рством, братоненавиде́нием, и злопомне́нием, сребролю́бием, прелюбодея́нием, я́ростию, ску́постию, объяде́нием без сы́тости и опи́вством, многоглаго́ланием, злы́ми по́мыслы и лука́выми, го́рдым обы́чаем и блу́дным возбеше́нием, имы́й самохоте́ние на вся́кое плотско́е вожделе́ние. О, зло́е мое́ произволе́ние, его́же и ско́ти безслове́снии не творя́т! Да ка́ко возмо́жеши воззре́ти на мя́, или́ приступи́ти ко мне́, а́ки псу́ смердя́щему? Кото́рыма очи́ма, а́нгеле Христо́в, воззри́ши на мя́, опле́тшася зле́ во гну́сных де́лех? Да ка́ко уже́ возмогу́ отпуще́ния проси́ти го́рьким и злы́м мои́м и лука́вым дея́нием, в ня́же впа́даю по вся́ дни́ и но́щи и на вся́к ча́с? Но молю́ся ти́ припа́дая, храни́телю мо́й святы́й, умилосе́рдися на мя́ гре́шнаго и недосто́йнаго раба́ твоего́ (и́мя), бу́ди ми́ помо́щник и засту́пник на зла́го моего́ сопроти́вника, святы́ми твои́ми моли́твами, и Ца́рствия Бо́жия прича́стника мя́ сотвори́ со все́ми святы́ми, всегда́, и ны́не и при́сно и во ве́ки веко́в. Ами́нь.

Ангеле Божий, охоронителю мій святий, життя моє збережи у страсі Божому; розум мій скеруй на праведну дорогу і небесною любов’ю запали душу мою, щоб, спрямований тобою, я знайшов у Христа Бога велику милість.

Богородичний

Свята Владичице, Христа Бога нашого Мати, що Творця всіх незбагненно породила, завжди моли Його з охоронителем моїм Ангелом, щоб спас душу мою, опановану пристрастями, і дарував мені відпущення гріхів.

Пісня  1:

Ірмос: Співаймо Господеві, що провів людей Своїх через Червоне море, бо Він Єдиний славно прославився.

Приспів: Господи Іісусе Христе, Боже мій, помилуй мене.

Сподоби, Спасе, раба Твого достойно співати пісню і вихваляти безтілесного Ангела, наставника й охоронителя мого.

Приспів: Святий Ангеле Божий, охоронителю мій, моли Бога за мене.

Я один у нерозумі та в лінощах нині лежу, охоронителю мій і наставнику, не залиш мене на загибель.

Слава Отцю, і Сину, і Святому Духу. Розум мій твоєю молитвою скеруй, щоб виконував я Божі повеління і одержав від Бога відпущення провин, і навчи мене ненавидіти зло, молюся тобі.

І нині, і повсякчас, і на віки віків. Амінь. Молися, Діво, з моїм Ангелом охоронителем за мене, раба Твого, до Подателя добра і навчи мене виконувати заповіді Сина Твого і Творця мого.

Пісня 3:

Ірмос: Ти — утвердження тих, хто приходить до Тебе, Господи, Ти — світло затьмарених, і оспівує Тебе дух мій.

Святий Ангеле Божий, охоронителю мій, моли Бога за мене.

Усі помисли мої й душу мою тобі доручив, мій охоронителю; ти ж мене порятуй від усякої напасти ворожої.

Святий Ангеле Божий, охоронителю мій, моли Бога за мене.

Ворог перемагає мене й бунтує, і навчає завжди виконувати свої бажання; але ти, наставнику мій, не залиш мене на загибель.

Слава Отцю, і Сину, і Святому Духу. Допоможи мені співати вдячно і старанно Творцю Богові й тобі, доброму Ангелу охоронителеві моєму; визволителю мій, звільни мене від ворогів, що кривдять мене.

І нині, і повсякчас, і на віки віків. Амінь. Зціли, Пречиста, невигойні рани моєї душі, прожени ворогів, що завжди борються зі мною.

Сідальний, глас 2

З любов’ю душевною до тебе взиваю, охоронителю моєї душі, всесвятий мій Ангеле: укрий мене і збережи від постійних принад лукавого і заохоть до життя небесного, напоумлюючи, просвічуючи та зміцнюючи мене.

Слава Отцю, і Сину, і Святому Духу. і нині, і повсякчас, і на віки віків. Амінь.

Богородичний

Богородице Неневісна, Пречиста, що без сімени народила Владику всіх, моли Його з Ангелом охоронителем моїм, щоб позбавив мене всякого сумніву і дарував розчулення і світло душі моїй та гріхів очищення, бо Ти єдина скора Заступниця.

Пісня 4:

Ірмос: Почув я, Господи, про тайну Твого піклування, зрозумів діла Твої і прославив Твоє Божество.

Святий Ангеле Божий, охоронителю мій, моли Бога за мене.

Моли Чоловіколюбця Бога, охоронителю мій, і не залиш мене, але завжди в мирі оберігай життя моє і подай мені захист непереможний.

Святий Ангеле Божий, охоронителю мій, моли Бога за мене.

Як заступника й охоронителя життя мого прийняв я тебе від Бога, Ангеле, молю тебе, святий: визволи мене від усякого лиха.

Слава Отцю, і Сину, і Святому Духу. Мою мерзенність твоєю святістю очисти, охоронителю мій, і від долі тих, що ліворуч стоятимуть, захисти молитвами твоїми і допоможи мені стати причасником слави.

І нині, і повсякчас, і на віки віків. Амінь. Бентежить мене зло, що охопило мене, Пречиста, визволи мене від нього скоро, бо до Тебе єдиної вдаюся.

Пісня 5:

Ірмос: Зранку взиваємо до Тебе: Господи, спаси нас; бо Ти — Бог наш, крім Тебе іншого не знаємо.

Святий Ангеле Божий, охоронителю мій, моли Бога за мене.

Маючи сміливість звертатися до Бога, охоронителю мій святий, ублагай Його визволити мене від спокус, що ранять мене.

Святий Ангеле Божий, охоронителю мій, моли Бога за мене.

Світло ясне, просвіти душу мою, наставнику мій і охоронителю, від Бога даний мені Ангеле.

Слава Отцю, і Сину, і Святому Духу. Мене, що сплю, обтяжений гріхами, збережи як недремного, Ангеле Божий, і підведи для прославлення Бога молитвою твоєю.

І нині, і повсякчас, і на віки віків. Амінь. Маріє, Владичице Богородице Неневісна, надіє вірних, ворожу гординю подолай, а тих, що оспівують Тебе, звесели.

Пісня 6:

Ірмос: Ризу подай мені світлу, Ти, що одягаєшся світлом, наче ризою, Многомилостивий Христе Боже наш.

Святий Ангеле Божий, охоронителю мій, моли Бога за мене.

Визволи мене від усяких прикрощів і від журби порятуй, молюся тобі, святий Ангеле, даний мені від Бога, охоронителю мій добрий.

Святий Ангеле Божий, охоронителю мій, моли Бога за мене.

Освіти розум мій і просвіти мене, добрий, молюся тобі, святий Ангеле, і думати завжди про корисне наставляй мене.

Слава Отцю, і Сину, і Святому Духу. Заспокой серце моє від збурення та зміцни в піклуванні про добре, охоронителю мій, і дивним чином скеруй мене до життєвої тиші.

І нині, і повсякчас, і на віки віків. Амінь. Слово Боже вселилося в Тебе, Богородице, показавши Тебе людям як небесні сходи; Тобою бо до нас Вишній зійшов.

Кондак, глас 4

Будь милосердний до мене, святий Ангеле Господній, охоронителю мій, і не залишай мене, грішного, але просвіти мене світлом неосяжним і вчини мене гідним Царства Небесного.

Ікос

Пригнічену багатьма спокусами душу мою ти, святий заступнику, сподоби невимовної слави небесної та співу з хорами безтілесних сил Божих; помилуй мене, і збережи, і добрими думками душу мою просвіти, щоб твоєю славою, Ангеле мій, я збагатився, і подолай ворогів, що замислюють мені зле, і вчини мене гідним Царства Небесного.

Пісня 7:

Ірмос: Юнаки, що прийшли з Юдеї у Вавилон колись, вірою в Тройцю подолали полум’я в печі, співаючи: «Боже отців наших, благословенний Ти».

Святий Ангеле Божий, охоронителю мій, моли Бога за мене.

Будь милостивий до мене і ублагай Бога, Господній Ангеле, бо маю тебе заступником у житті моєму, наставником і охоронителем, що від Бога даний мені навіки.

Святий Ангеле Божий, охоронителю мій, моли Бога за мене.

Не допусти, щоб грішну душу мою в подорожі вбили розбійники, святий Ангеле, бо вона від Бога передана тобі непорочною, але спрямуй її на дорогу покаяння.

Слава Отцю, і Сину, і Святому Духу. Відкриваю душу мою, всю посоромлену лихими помислами і вчинками, наставнику мій, але ти попередь і зціли мене добрими помислами, щоб завжди ходив я стежками правди.

І нині, і повсякчас, і на віки віків. Амінь. Заради Богородиці, Іпостасна Премудросте Вишнього, сповни мудрости й сили Божої всіх, що з вірою взивають: Боже отців наших, благословенний Ти.

Пісня 8:

Ірмос: Царя Небесного, що Його оспівують воїнства ангельські, хваліть і прославляйте по всі віки.

Святий Ангеле Божий, охоронителю мій, моли Бога за мене.

Від Бога посланий, преблагий Ангеле, зміцни життя моє, раба твого, і не покинь мене повіки.

Святий Ангеле Божий, охоронителю мій, моли Бога за мене.

Тебе, Ангела доброго і преблаженного, душі моєї наставника й охоронителя, оспівую повіки.

Благословім Отця, і Сина, і Святого Духа Господа.

Будь мені покровою і заборолом у день випробування всіх людей, коли через вогонь виявлятимуться справи добрі й лихі.

І нині, і повсякчас, і на віки віків. Амінь. Будь мені, рабові Твоєму, помічницею й затишком, Богородице Вседіво, і не позбав мене ніколи Твоєї опіки.

Пісня 9:

Ірмос: Істинною Богородицею Тебе сповідаємо, врятовані тобою, Діво Чиста, з безтілесними чинами Тебе величаємо.

Господи, Іісусе Христе, Боже мій, помилуй мене.

Помилуй мене, єдиний Спасе мій, бо Ти милостивий і милосердний, і вчини мене належним до праведних чинів.

Святий Ангеле Божий, охоронителю мій, моли Бога за мене.

Допоможи мені, Господній Ангеле, завжди думати й чинити добре і для душі корисне; вияви мене чистим і сильним у немочах.

Слава Отцю, і Сину, і Святому Духу. Маючи сміливість до Царя Небесного, проси Його з іншими безтілесними, щоб помилував мене грішного.

І нині, і повсякчас, і на віки віків. Амінь. Велику відвагу маючи, Діво, до Того, Хто з Тебе тіло прийняв, звільни мене від тенет і визволення мені подай та спасіння молитвами Твоїми.

Молитва

Святий Ангеле Христовий, до тебе припадаючи, молюся, охоронителю мій святий, даний мені від святого хрещення на збереження душі й тіла мого грішного! Я своїм лінивством і своїми лихими вчинками прогнівив твою пречисту світлість і відігнав тебе від себе всіма безсоромними вчинками: брехнею, наклепами, заздрістю, осудом, погордою, непокірністю, людиноненависництвом, злопам’ятством, грошолюбством, перелюбством, лютістю, скупістю, об’їданням і пияцтвом без стримку, багатослів’ям, лихими й лукавими думками, гордими звичками й блудним збуренням, бо ж маю схильність до всякого тілесного вдоволення. О, люте моє свавілля, що його й худоба безсловесна не творить! Як же ти можеш поглянути на мене або приступити до мене, як до пса смердючого? Якими очима, Ангеле Христовий, споглянеш на мене, обплутаного огидними вчинками? Як же зможу просити відпущення гірких, злих і лукавих моїх вчинків, що їх заподіюю в усі дні й ночі, та й повсякчас? Але молюся, припадаючи до тебе, охоронителю мій святий: змилосердься наді мною, грішним і недостойним рабом твоїм (ім’я), будь мені помічником і заступником від злого мого супротивника святими твоїми молитвами; і вчини мене причасником Царства Божого з усіма святими, завжди, нині, і повсякчас, і на віки вічні. Амінь.