Преподобний Діонісій Радонезький

Тропарь преподобному Дионисию, архимандриту Радонежскому, глас 3

Земна́я, прельща́ющая очеса́ миролю́бцев,/ возненави́дел еси́, о́тче Богоно́сне Диони́сие,/ за уме́ты та вмени́в,/ ше́ствуя путе́м ско́рбным,/ и в терпе́нии добр во́ин Христо́в яви́лся еси́,/ победи́в стра́сти ми́ра,/ был еси́ до кончи́ны непоколеби́мый благоче́стия побо́рник./ Те́мже мы днесь, соверша́я свяще́нную па́мять твою́,/ духо́вными тя пе́сньми ублажа́ем и смире́нно мо́лим,/ да, предстоя́ Престо́лу Го́спода Бо́га,// хода́тайствуеши о спасе́нии душ на́ших.

Ин тропарь преподобному Дионисию, архимандриту Радонежскому, глас 4

Бла́гости научи́вся от Вы́шняго благода́ти,/ измла́да подвиза́вся благо́ю со́вестию,/ Диони́сие преподо́бне,/ терпе́ния столп был еси́/ и сло́ва Бо́жия пропове́дник,/ благоче́стия догма́ты утверди́в и суеу́мных мудрова́ние упраздни́в,/ те́мже и пострада́л еси́ за и́стину, ра́дуяся,/ о́браз страда́льцем собо́ю показа́в,/ но, я́ко име́я дерзнове́ние ко Христу́ Бо́гу,/ не преста́й моля́ся о нас,// любо́вию чту́щих святу́ю па́мять твою́.

Кондак преподобному Дионисию, архимандриту Радонежскому, глас 6

Свет Трисия́нный, всели́выйся в ду́шу твою́,/ сосу́д избра́н показа́ тя,/ веща́юща Боже́ственная лю́дем,/ испове́дник Бо́жия Сло́ва яви́лся еси́,/ и прилага́ющих Божеству́ веще́ственный огнь/ я́вственно обличи́л еси́,/ и злосла́вных смы́слы, я́ко паучи́нное пряде́ние, растерза́л еси́,/ благоче́стия столп и забра́ло тве́рдое ми́рови показа́лся еси́/ и сего́ ра́ди от Вселе́нскаго Патриа́рха ди́вне похвале́н был еси́./ Мы же благода́рными гла́сы, веселя́щеся, вопие́м ти:// ра́дуйся, о́тче наш, Диони́сие преподо́бне.

Молитва преподобному Дионисию, архимандриту Радонежскому

От млады́х ногте́й возлюби́вый Христа́, преподо́бне Диони́сие, – сотвори́ моли́твами свои́ми, да и на́ши сердца́ свяще́нным любве́ Бо́жия огне́м пламене́ют, не то́кмо в ю́ности, но и в ста́рости да не погаса́ют, возжига́ема теплото́ю ве́ры. Возложи́вый на ся подви́жниче яре́м Ева́нгельский, и о́ный обре́тший благи́м и ле́гким, до конца́ о́ный му́жественно соверши́л еси́, сподо́бившися венца́ торже́ственнаго, я́ко победи́тель, – и нам помози́, тя́гостное вре́мя жития́ сего́ му́жественно понести́ и, соблю́дше ве́ру до конца́, сподо́битися милосе́рдаго от Бо́га воздая́ния. Быв тща́тельный и ре́вностный зва́ния, от Бо́га тебе́ возложе́ннаго испо́лнитель, – помози́ и нам, проходи́ти зва́ния на́ши, неосла́бно, подкрепля́я нас упова́нием по́мощи на Всеси́льнаго. Мно́гия ко́зни и страда́ния от злоко́зненных враго́в великоду́шно претерпе́вый, свя́те Диони́сие, – и нам, окруже́нным сетя́ми вра́жиими и разли́чным искуше́нием подлежа́щим, моли́твами твои́ми испроси́ свы́ше по́мощь на побежде́ние и попра́ние о́ных. Всегда́ умерщвля́я посто́м, моли́твами и бде́нием плоть свою́ и о́ную соде́лал еси́ хра́мом Животворя́щаго Ду́ха, – и нас святы́й приме́р твой да возбужда́ет подража́ти следа́м твои́м, и улучи́ти вре́мя к покая́нию и оставле́нию грехо́в на́ших. Быв горя́щий к сла́ве Це́ркве и оте́чества ревни́тель, – исхода́тайствуй моли́твами твои́ми мир Це́ркви Правосла́вной, оте́честву на́шему благоде́нствие, оби́тели Се́ргиевой, твои́м правле́нием благоустро́енной и защище́нной, всемогу́щее покрови́тельство, нам же всем, к тебе́ с любо́вию притека́ющим, здра́вие и спасе́ние, да прославля́ем просла́вльшаго тя Го́спода ны́не и при́сно, и во ве́ки веко́в. Ами́нь.

Тропaрь, глaсъ G:

Земн†z, прельщ†ющаz nчесA міролю1бцєвъ, возненави1дэлъ є3си2, n1тче бGон0сне діонЂсіе, за ўмeты тA вмэни1въ, шeствуz путeмъ ск0рбнымъ, и3 въ терпёніи д0бръ в0инъ хrт0въ kви1лсz є3си2, побэди1въ стр†сти мjра, бhлъ є3си2 до кончи1ны непоколеби1мый бlгочeстіz поб0рникъ. тёмже мы2 днeсь, совершaz сщ7eнную пaмzть твою2, дух0вными тS пёсньми ўблажaемъ и3 смирeннw м0лимъ, да, предстоS пrт0лу гDа бGа, ходaтайствуеши њ сп7сeніи дyшъ нaшихъ.

И$нъ тропaрь, глaсъ д7:

Бlгости научи1всz t вhшнzгw бlгодaти, и3змлaда подвизaвсz бlг0ю с0вестію, діонЂсіе прпdбне, терпёніz ст0лпъ бhлъ є3си2 и3 сл0ва б9іz проповёдникъ, бlгочeстіz догмaты ўтверди1въ и3 суеyмныхъ мудровaніе ўпраздни1въ, тёмже и3 пострадaлъ є3си2 за и4стину, рaдуzсz, џбразъ страдaльцємъ соб0ю показaвъ, но, ћкw и3мёz дерзновeніе ко хrтY бGу, не престaй молsсz њ нaсъ, люб0вію чтyщихъ с™yю пaмzть твою2.

Кондaкъ, глaсъ ѕ7:

Свётъ трисіsнный, всели1выйсz въ дyшу твою2, сосyдъ и3збрaнъ показa тz, вэщaюща бжcтвєннаz лю1демъ, и3сповёдникъ б9іz сл0ва kви1лсz є3си2, и3 прилагaющихъ бжcтвY вещeственный n1гнь ћвственнw њбличи1лъ є3си2, и3 ѕлослaвныхъ смhслы, ћкw паучи1нное прzдeніе, растерзaлъ є3си2, бlгочeстіz ст0лпъ и3 забрaло твeрдое мjрови показaлсz є3си2 и3 сегw2 рaди t вселeнскагw патріaрха ди1вне похвалeнъ бhлъ є3си2. мh же благодaрными гл†сы, веселsщесz, вопіeмъ ти2: рaдуйсz, n1тче нaшъ, діонЂсіе прпdбне.

Ще в розробці